起初，太太為六歲的Matt.選擇課外活動，打算是一動一靜，動的就是從三歲所學的游泳，靜的一直想不到，直至太太找到音樂事務署的「平價」課程，就開始為 Matt.準備。
看到課程五花百門，熱門冷門乜都有，就相反地問自己邊樣易入就揀邊樣啦。再 check check 個成功率，小提琴...嘩！難入。大提琴？...ok 喎，算易入，就你啦。
音樂事務署回覆取錄。咦？要搵個大提琴，開始在網上找尋資料。唔怕，上左第一堂先再算。
第一堂見到好多小朋友已經有琴帶來，覺得自已好鵪鶉...，問左亞 sir 意見後在網拍上買了個 1/8 的大提琴 $1450，之後每次都同仔仔上課。其中有一我當時覺得佢好勁咁樣（但上了 level one後）亞sir 提醒佢要改的已沒法改好，現在覺得佢錯的地方已根深柢固，只可講句「算把啦」
上完課回家後當然要練習，但發覺自已練得仲多過個仔...我對大提琴有興趣了...
於是，自已報了成人班，在上課前的兩天在網拍上搵到個二手琴，之前佢$1200 賣唔出，我還佢 $1000，成交！
就開始我正式在大提琴上的路...我有少少音樂上或在大提琴上的理想，我亦知有幾遠有幾難，但我相信一句：「Never too old」
我
帶我個琴行街街
No comments:
Post a Comment